भाद्र ३, २०८३ / 2026-08-19
पछिल्लो २४ घन्टामा देशभर १५ सय ५१ जनामा कोरोना संक्रमण पुष्टि भएको छ ।
यो अवधिमा ११ हजार ४७ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
आज थप भएको समेत देशभर हालसम्म संक्रमित हुनेको संख्या ९० हजार आठ सय १४ पुगेको छ ।
आज २३ सय ४० जना संक्रमित निको भएर डिस्चार्ज भएका छन् । हालसम्म ६७ हजार पाँच सय ४२ जना संक्रमित निको भइसकेको मन्त्रालयले जनाएको छ ।
संक्रमित निको हुने दर ७४.३ प्रतिशत रहेको मन्त्रालयका प्रवक्ता डा . जागेश्वर गौतमले बताए ।
सक्रिय संक्रमितको संख्या २२ हजार सात सय नौ पुगेको छ ।
संस्थागत आइसोलेसनमा नौ हजार एक सय १८ जना र होम आइसोलेसनमा १३ हजार पाँच सय ९१ जना रहेको मन्त्रालयले जनाएको छ ।
संक्रमितमध्ये दुई सय ४३ जना आइसियू र ४० जनाको भेन्टिलेटरमा राखेर उपचार भइरहेको मन्त्रालयका प्रवक्ता डा . गौतमले बताए ।
