आश्विन १७, २०८३ / 2026-10-03
काठमाडौं। स्वास्थ्य तथा जनसंख्या मन्त्रालयका अनुसार शुक्रबार देशभर २ सय ९ जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्।
मन्त्रालयको तथ्यांक अनुसार ३६ जना भेन्टिलेटरमा र १७३ जना संक्रमित आइसियुमा उपचाररत रहेका छन् ।
आइसियुमा रहेका संक्रमितको संख्या सबैभन्दा बढी बागमती प्रदेशमा १२६ जना आइसियु र ३६ जना भेन्टिलेटर, प्रदेश ५ मा २० जना आइसियु, प्रदेश १ मा ७ जना आइसियु र १ जना भेन्टिलेटर, सुदुरपश्चिममा १ जना भेन्टिलेटरमा उपचाररत रहेको मन्त्रालयले जनाएको छ।
त्यस्तै प्रदेश २ मा ४, गण्डकी प्रदेशमा ६ र कर्णाली प्रदेशमा १० आइसियुमा उपचाररत रहेका छन् ।
बिहीबार २ सय २१ जना संक्रमित आइसियु र भेन्टिलेटरमा उपचाररत रहेका थिए।
