भाद्र ३, २०८३ / 2026-08-19
काठमाडौं – नायक सौगात मल्ल र नायिका श्रृष्टि श्रेष्ठ केन्द्रीय भूमिकामा रहेको फिल्म ‘भाइरल गोर्खे’को मंगलबार साँझ न्यूरोडको एक हलमा प्रिमियर भएको छ ।
प्रिमियर स्थलमा सौगात राष्ट्रिय पोसाक दौरा सुरुवाल र श्रृष्टि नेवारी पहिरनमा पुगेकी थिइन् । उनीहरुको पहिरन आकषर्णको विषय बनेको थियो ।
प्रिमियरमा पूजा शर्मा, सिसन बानियाँ र जयकिशन बस्नेतलगायतका स्टार अनुहारको पनि उपस्थिति थियो ।
प्रिमियरपछि सिसनले एक फरक खालको फिल्म बनेको प्रतिक्रिया दिए । उनले भने, ‘नयाँ विषयवस्तुमा बनेको छ । यो फिल्म म सबैलाई हेर्न सिफारिस गर्छु ।’
एके ब्रदर कम्पनी, द जिएमआई एकेडेमी र निर्भाना फिल्म स्कुलको व्यानरमा निर्माण भएको सिनेमामा सौगात र श्रृष्टिसँगै बुद्धि तामाङ, लक्ष्मी गिरी, राजाराम पौडेल, ऋषि धमला रवि भुजेल र मिस पवीको अभिनय रहेको छ ।
‘भाइरल गोर्खे’को निर्देशन निगम श्रेष्ठले गरेका हुन् । अमित श्रेष्ठ, विशाल ताम्राकार, महेश लामिछाने र केवल जंग कुँवर निर्माता हुन् ।
थप तस्बिरहरु :
