काठमाडौं– केही समयअघि मात्रै ‘एक्स्ट्रा अर्डिनरी ग्रिन कार्ड’ लिएर अमेरिका लागेका कलाकार सिताराम कट्टेल ‘धुर्मुस’ र कुञ्जना घिमिरे ‘सुन्तली’ले एक वर्ष अघि नै अमेरिकामा कम्पनी खोलेको भेटिएको छ ।
उनीहरूले अमेरिका जानुअघि एक वर्ष अघि नै अमेरिकाको फ्लोरिडा राज्यमा अन्य दुई जना व्यक्तिहरूसँग मिलेर सुभिना एलएलसी नामक कम्पनी खोलेको भेटिएको हो ।
सुटुक्क अमेरिका लागेका कलाकार धुर्मुस अमेरिका पुगिसकेपछि डिसेम्बर १२ मा एक बकपत्र भन्दै सामाजिक सञ्जालमार्फत आफू अमेरिका आउनुको कारण सार्वजनिक गरेका थिए । सो बकपत्रमा उनले आफूहरू छोरीको उपचारको निम्ति अमेरिकामा आएको उल्लेख गरेका थिए ।
तर, उनको फाउन्डेसनले गरेको आय व्ययको हिसाब किताबको पारदर्शितामा पनि धेरैले प्रश्न उठाउँदै आएका छन् ।
