भाद्र ९, २०८३ / 2026-08-25
काठमाडौँ- कलाकार सीताराम कट्टेल ‘धुर्मुस’ले आफ्नो छोरीको उपचारका लागि अमेरिका आएको जानकारी दिएका छन्। शुक्रबार बिहान फेसबुकमा स्ट्याटस मार्फत उनले आफू श्रीमतीसहित अमेरिका आएको र उपचारपछि फर्किने योजना रहेको लेखेका छन्।
गौतबुद्ध अन्तर्राष्ट्रिय क्रिकेट रंगशाला निर्माण विवादमा तानिएका धुर्मुस सपरिवार अमेरिका भागेको चर्चा भएपनि उनले स्पष्ट पारेका छन् कि उनी भागेका छैनन्। उनले लेखेका छन् कि नेपाल र भारतका विभिन्न अस्पतालमा उपचार भए पनि पर्याप्त नहुँदा छोरीलाई अमेरिकामा उपचार गराउन लगाइएको हो।
धुर्मुसका अनुसार उनकी छोरीलाई जन्मको १६ दिनमै म्यानेन्जाइटिस भएको थियो। साथै घुँडाको हड्डीमा संक्रमणका कारण दाहिने खुट्टा देब्रेभन्दा ७ सेन्टिमिटर छोटो छ। ‘उनको हाइट बढ्ने समयसम्म डक्टरको निगरानीमा राखेर उपचार गर्नुपर्ने भएकाले हामी पाटन अस्पतालमा बसि उपचार गराएका थियौं,’ धुर्मुसले बताए।
उच्च प्रविधिसहितको उपचार अमेरिकामा हुने भएकाले डाक्टरहरूले त्यहाँ जाने सल्लाह दिएका थिए। आर्थिक अवस्था कमजोर भएकाले अमेरिकाको ‘एक्स्ट्रा अर्डिनरी ग्रीनकार्ड’का लागि आवेदन दिएका थिए र एक वर्षअघि भिसा पाएका छन्।
धुर्मुसले लेखेका छन्, ‘यो कार्डले कम आम्दानी भएका बाबुआमाका बच्चाका लागि निःशुल्क उपचार सुविधा प्रदान गर्छ। छोरीको स्वास्थ्य र सुरक्षित भविष्यका लागि हामीले यो विकल्प रोजेका थियौं।’
रंगशालासम्बन्धी विवादका कारण मात्र अमेरिका आएको हो भन्ने धारणा गलत भएको भन्दै उनले स्पष्ट पारेका छन् कि छोरीको उपचार नै प्राथमिकता हो। उनले फेसबुकमा थपेका छन्, ‘छोरीको उपचार प्रक्रिया सुरु भइसकेको छ र हामी यसबारे निरन्तर अपडेट दिन्छौं।’
