सर्लाहीमा जीपको ठक्करबाट मोटरसाइकलमा सवार दुई जनाको ज्यान गयो

सर्लाही – सर्लाहीमा जीपको ठक्करबाट मोटरसाइकलमा सवार दुई जनाको ज्यान गएको छ । एक जना घाइते भएका छन् । दक्षिणी सीमावर्ती क्षेत्र ब्रह्मपुरी गाउँपालिका–५, हुलाकी सडकखण्डमा गएराति दुर्घटना भएको हो ।

प्रदेश ३–०३–००१ प ७५७५ नम्बरको मोटरसाइकलमा सवार ब्रह्मपुरी गाउपालिका–२, बस्ने २३ वर्षीय अङ्कित चौधरी र २५ वर्षीय रोहित सहनीको ज्यान गएको जिल्ला प्रहरी कार्यालय सर्लाहीले जनाएको छ । अर्का २३ वर्षीय शिवशङ्कर पण्डित घाइते हुनुहुन्छ । घाइतेको न्यूरो अस्पताल बारामा उपचार भइरहेको जिल्ला प्रहरी कार्यालय सर्लाहीका प्रहरी नायब उपरीक्षक सरोज राईले जानकारी दिनुभयो ।

एमएच ०४ डिजे १२९७ भारतीय नम्बर प्लेटको जीपले तीन जना चढेको मोटरसाइकललाई ठक्कर दिएको थियो । ठक्कर दिने जीपलाई फेला पारेको र चालकको खोजी भइरहेको प्रहरी नायब उपरीक्षक राईले जानकारी दिनुभयो ।