सुन र चाँदीको मूल्य घट्यो, कतिमा भइरहेछ कारोबार ?

काठमाडौं– नेपाली बजारमा सुनको मूल्यमा केही गिरावट आएको छ । नेपाल सुनचाँदी व्यवसायी महासंघले आज (बिहीबार) सुन तोलामा २ हजार ९०० रुपैयाँले घटेर २ लाख ९२ हजार २०० रुपैयाँमा कारोबार भइरहेको छ ।

अघिल्लो दिन बुधबार सुन ऐतिहासिक रेकर्ड बनाउँदै २ लाख ९५ हजार १०० रुपैयाँमा कारोबार भएको थियो ।

यस्तै, आज चाँदीको मूल्य पनि ५० रुपैयाँले घटेको छ । महासंघ अनुसार आज चाँदी प्रतितोला ५ हजार ८७० रुपैयाँमा कारोबार भएको छ । बुधबार चाँदी प्रतितोला ५ हजार ९२० रुपैयाँ कायम थियो ।

अन्तर्राष्ट्रिय बजारमा आज एक औँस सुन चार हजार ६९५ र त्यति नै परिमाणको सेतो धातु ९५ अमेरिकी डलरमा कारोबार भइरहेको छ ।