भाद्र २, २०८३ / 2026-08-18
वाशिंटन – अमेरिकी राष्ट्रपति डोनाल्ड ट्रम्पले युरोपियन युनियन (ईयू)बाट आउने सामानमा २५ प्रतिशत कर लगाउने चेतावनी दिएका छन्।
उनले यसको तत्काल घोषणा गर्ने दाबी गरेका छन्। ‘यो २५ प्रतिशत हुनेछ। यसमा कारलगायत अन्य सबै सामान समेटिने छन्,’ ट्रम्पले भनेका छन्।
ट्रम्पले २७ राष्ट्रको सो ब्लकले अमेरिकामा निर्माण गरिएका कार तथा अन्य कृषि उत्पादनलाई स्वीकार नगरेको तथा अमेरिकाले ती सबैलाई स्वीकार गरेकोसमेत बताएका छन्।
अहिले युरोपियन मुलुकले अमेरिकी कारमा १० प्रतिशत भन्सार महसुल लगाएका छन्। यो अमेरिकाले यसअघि युरोपबाट जाने यात्रु बाहक कारमा लगाएको भन्दा चार गुणा बढी हो।
