स्वतन्त्र र राष्ट्रियताको खोजीमा नेपाल

अमिता लक्ष्मी सयजू (श्रेष्ठ)

वरिष्ठ अधिवक्ता, सर्वोच्च

हाम्रो देश सार्वभौम सत्ता सम्पन्न एक रस्वतन्त्र राष्ट्र हो । विभिन्न राजनीतिक उतारचढाव पश्चात हामीले अहिले संघीय लोकतान्त्रिक गणतन्त्र व्यवस्था प्राप्त गरिराखेका छौं । तर, हाम्रो राष्ट्रमा वर्तमान अवस्थामा दुई कुराको ठूलो खाँचो भइरहेको छ । पहिलो हामी स्वतन्त्र हुनु जरुरी छ, दोस्रो देशप्रति बफादार राष्ट्रवादी हुनु जरुरी छ । सार्वभौम सत्ताका व्यक्तित्व हामी आम नागरिक निर्वल र असहायको रुपमा विचलित अवस्थामा छौं । मुलुकमा राजनीति वातावरण र न्यायिक धरासयताका कारण आर्थिक अवस्था नाजुक रुपमा आइसकेको छ । स्वतन्त्र र राष्ट्रियताको कमी महसूस देशले गरिसकेको छ । तसर्थ राष्ट्रको राष्ट्रियता जोगाउन संरक्षण र सम्बद्र्धन गरी पहिले नागरिक स्वतन्त्र र स्वच्छ, निर्भिकका साथ आत्मनिर्भर हुनु जरुरी छ । जस्तोसुकै सुनौलो संविधान व्यवस्था आए पनि नागरिक र राष्ट्रको स्थितिमा गिरावट आइराखेको कारणले आम नागरिक सचेत हुनु जरुरी छ । आफ्नो सार्वभौम अधिकारलाई विवेकका साथ प्रयोग गर्न स्वतन्त्रको महसुस गरिनु आवश्यक र महत्वपूर्ण विषय भइसकेको छ । राजनीतिले राष्ट्र नजोगिने अवस्थामा नागरिकले त्यस्ता राजनीतिलाई रोकी नयाँ युग ‘स्वतन्त्र’ जो राष्ट्रहितैमा मात्र गरिने भावना दायित्व, भक्तीलाई अगाडि ल्याउने कार्य नै देशप्रतिको राष्ट्रियताको परिभाषा हो । कोही पनि व्यक्ति जुनसुकै पृथक पृथक राजनीतिक पार्टी भावनामा रहे पनि राष्ट्रप्रतिको राष्ट्रियता सबैको एकै हो । त्यो हो हाम्रो नेपाल हामी नेपाली ।

देशको विकास र समृद्धिको आशा देखाएर आजसम्म नेपालमा जुन राजनीति अभ्यास अगाडि आइराखेको छ । आम नागरिक सन्तुष्ट हुन सकिरहेको छैन । गठबन्धन सरकार पार्टीका कारण पार्टीका व्यक्तित्वहरु समेत शंकाको घेरामा पुग्न गइराखेका छन् । एकले गरेर धेरैको आचरण अस्तित्व नै दाउपेचमा पुगिरहेको अवस्था छ । विचारको अनमेल, सिद्धान्तको अनमेलका कारण एकै धारमा आउने प्रयास गरे पनि प्रत्येक राजनीतिज्ञ आफ्नो जीवनको सम्पूर्ण