आश्विन १८, २०८३ / 2026-10-04
काठमाडौं- नेपाली कांग्रेसको १५ औँ महाधिवेशनमा सहभागी हुन राष्ट्रिय स्वतन्त्र पार्टीका सभापति रवि लामिछाने खुलामञ्च पुगेका छन् ।
महाधिवेशन उद्घाटन सत्र चलिरहँदा सभापति लामिछाने पुगेका हुन् । त्यसैगरी, महाधिवेशनमा श्रम संस्कृति पार्टीका महासचिव तथा प्रतिनिधिसभा सदस्य आरेन राई पनि पुगेका छन् ।
अध्यक्ष हर्क साम्पाङ उपस्थित नहुने भएपछि राईलाई पठाइएको हो । महाधिवेशनमा सहभागी हुन कांग्रेससहित विभिन्न दलका नेता तथा कार्यकर्ता खुलामञ्चमा पुग्ने क्रम जारी छ ।
महाधिवेशनका लागि देशभरबाट आएका नेता–कार्यकर्ता खुलामञ्चमा भेला भइरहेका छन् । महाधिवेशनस्थलमा नेता–कार्यकर्ताको चहलपहल बढेको छ।
