भाद्र १५, २०८३ / 2026-08-31
काठमाण्डाै – रसुवाको भोटेकोशीमा गएकाे बुधवार आएको बाढीमा परेर ज्यान गुमाएकाहरूको पशुपति आर्यघाट एवम् भष्मेश्वर घाटमा निःशुल्क दाहसंस्कार गरिने भएको छ ।
पशुपति क्षेत्र विकास कोषले रसुवा बाढीमा परेर ज्यान गुमाएकाहरूको निःशुल्क दाहसंस्कार गर्ने गरी सबै व्यवस्था मिलाएको पशुपति क्षेत्र विकास कोष सञ्चालक परिषद्का सदस्य केदारमान भण्डारीले जानकारी दिनुभयो ।
निःशुल्क दाहसंस्कारका लागि शरदराज वैद्यलाई सम्पर्क गर्न पनि कोषले आह्वान गरेको छ । वैद्यको सम्पर्क नम्बर ९८४१२२९९९४ रहेको छ ।
अन्य थप जानकारी आवश्यक परेमा कोषको कार्यालयमा सम्पर्क गर्न सकिने सञ्चालक परिषद्का सदस्य भण्डारीले बताउनुभयो ।
