भाद्र २, २०८३ / 2026-08-18
काठमाडौं – हेन्डसम हंक फिल्मका हिरो आकाश श्रेष्ठले मोडल करुणा श्रेष्ठसँगको प्रेम स्वीकार गरेका छन् । आकाशले आफूहरू विगत पाँच वर्षदेखि सम्बन्धमा रहेको जानकारी दर्शकलाई दिएका हुन् ।
करुणासँगको तस्बिर सार्वजनिक गर्दै उनले लेखेका छन्, ‘हामी सँगै भएको पाँच वर्ष, पछाडि छोडिएका अनगिन्ती सुन्दर पलहरू, अझै बाँच्न बाँकी अनगिन्ती क्षणहरू, अनि सँगै बिताउन बाँकी पूरा जीवन ।’
आकाशले करुणासँगको रोमान्टिक फोटो पनि वालमा राखेका छन् ।
आकाशको नाम नायिका पूजा शर्मासँग जोडिँदै आएको थियो । पूजाले विवाह गरेपछि दर्शकले थाहा पाउने गरी करुणासँग उनको निकटता बढेको थियो ।
अहिले आएर लामो प्रेम सम्बन्ध रहेको खुल्न आएको हो । विवाहको तयारी स्वरुप उनीहरूले प्रेम स्वीकार गरेको बुझिएको छ ।
