सकियो फिल्म ‘कार्साङ’को छायाङ्कन

खोजतलास

२०८१ भाद्र ४ मंगलवार

17.1k Shares

काठमाडौँ । फिल्म ‘कार्साङ’को छायाङ्कन सकिएको छ । यम शेर्पाको निर्देशन रहेको फिल्मको छायाङ्कन २२ दिनमा सकिएको हो । फिल्म सिन्धुपाल्चोक जिल्लाको बाह्रबिसे नगरपालिका, भोटेकोसी गाउँपालिका क्षेत्रमा छायाङ्कन भएको बताइएको छ । ‘फिल्मको सम्पूर्ण टिम राम्रो रहेकाले सबैको मेहनतका साथ समयमै छायाङ्कन सकियो’, निर्देशक शेर्पाले भने, ‘पोस्टको काम सोचे जस्तै भयो भने हामी चाँडै प्रदर्शनमा आउँछ ।’

कलाकारहरूको बलियो लाइनअप रहेको फिल्म ‘कार्साङ’लाई यार्सा फिल्मस् र पुरुषोत्तम प्रधान फिल्मसले बनाएको हो । फिल्ममा अभिनेता दयाहाङ राई र नव–अभिनेत्री सिर्जना निङ्लेखु मुख्य भूमिकामा छन् । सामाजिक कथावस्तुमा बनेको फिल्ममा दयाहाङ र सिर्जनाको अलवा जितु नेपाल, दिया मास्के, बुद्धि तामाङ, प्रेम लोप्चन, डोमा ह्योल्मो, सृष्टि गौतम, छोकी शेर्पा, सुरवीर पण्डित, कर्मा शेर्पाको अभिनय छ ।

फिल्मको निर्माता पुरुषोत्तम प्रधान हुन् । फिल्ममा उनकै डिओपी रहेको छ । फिल्मको देशभर वितरणको जिम्मेवारी आरआर फिल्मसले लिएको छ ।