काेशी प्रदेशसभा बैठक बस्दै, बजेट प्रतिस्थापन विधेयक पेश हुने

काठमाडौं । मोरङ- कोसी प्रदेशको प्रदेशसभा बैठकमा शनिबार बजेट प्रतिस्थापन विधेयक पेश हुँदैछ।आज दिउँसो १ बजे बस्ने बैठकमा कोसी प्रदेश विनियोजन अध्यादेश, २०८० लाई प्रतिस्थापन गर्न बनेको विधेयक पेश हुने भएको हो।प्रदेशसभाका सचिव गोपाल पराजुलीले कोसी प्रदेश आर्थिक अध्यादेश २०८० लाई प्रतिस्थापन गर्न बनेको विधेयक र कोसी प्रदेश विनियोजन अध्यादेश २०८० लाई प्रतिस्थापन गर्न बनेको विधेयक टेबुल हुने जानकारी दिए।प्रदेश सभा सचिव पराजुलीका अनुसार कोसी प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक २०८० र आर्थिक वर्ष २०८०/८१ को सेवा र कार्यको लागि प्रदेश संचित कोषबाट केही रकम विनियोजन र खर्च गर्ने सम्बन्धमाव्यवस्था गर्न बनेको विधेयक २०८० लाई प्रस्तावका रुप प्रदेश सभा बैठकमा पेश हुने हो।