भाद्र ८, २०८३ / 2026-08-24
ललितपुर, २९ भदौ । ५८ औँ बाल दिवसको अवसरमा ग्रामीण सामुदायिक संस्था विकास (रिकोड)को संयोजनमा गोदावरी नगरपालिका–७, देवीचौरका दुई ओटै माविमा वक्तृत्वकला प्रतियोगिता सम्पन्न गरिएको छ ।
देवीचौरको श्री देवी माविमा लैङ्गिक समानताको व्यवहारिक प्रयोग र यसका चुनौतिहरु विषयमा र बुरुञ्चुलीको श्री भिमसेन आदर्श माविमा लैङ्गिक समानता विषयमा वक्तृत्वकला प्रतियोगिता गरिएको हो ।
देवी माविमा सम्पन्न प्रतियोगितामा प्रविना तामाङ पहिलो, गणेश बजगाँई दोस्रो र लक्ष्मी तामाङ तेस्रो भएका विद्यालयका शिक्षक रामेश गौतमले जानकारी दिए ।
विजयी छात्रछात्रालाई विद्यालयका प्रधानाध्यापक हरिबहादुर चौहान र रिकोडकी समुदाय सहजकर्ता गीता तिमल्सिनाले झोला तथा शैक्षिक सामग्री पुरस्कारस्वरूप वितरण गरेका छन् ।
भिमसेन आदर्श माविमा सम्पन्न प्रतियोगितामा पूर्णिमा तामाङ पहिलो, आर्कति तामाङ दोस्रो र स्मारिका तामाङ तेस्रो भएको विद्यालयका शिक्षक दिपक दुलालले जानकारी दिए ।
विजयी प्रतियोगीलाई विद्यालयका प्रधानाध्यापक आत्मराम घिमिरे र रिकोडकी समुदाय सहजकर्ता गीता तिमल्सिनाले झोला तथा शैक्षिक सामग्री पुरस्कारस्वरूप वितरण गरेका छन् ।
‘बालमैत्री समाजको आधारः जिम्मेवार परिवार उत्तरदायी सरकार’ भन्ने नाराका साथ देशभर भदौ २९ गते बाल दिवस मनाइएको छ ।
