प्रहरीको संलग्नतामा तस्करी, प्रहरी कार्यालयबाटै चिनी गायब

धनगढी । भजनी नगरपालिका–५ लालबोझीस्थित पृथ्वीपुरबाट व्यापक तस्करी मौलाएको छ । भजनीको कौवाखेडा, कालापातल, गुलरिया घाट, हिम्मतपुर कुसुमघाट र जसबहादुरघाट क्षेत्रबाट रातिको समयमा कपडा हार्डवेयरका सामान नेपाल भित्रिने गरेको छ ।

तस्करी बढ्नुमा शसस्त्र प्रहरी बल र नेपाल प्रहरीको संलग्नता रहेको स्थानीयको आरोप छ । शसस्त्र प्रहरी र नेपाल प्रहरीका जिल्लादेखि डीआईजीसम्मका घुमुवाले समेत महिनावारी रुपमा रकम असुली गर्ने गरेको स्थानीयको आरोप छ । यही बेला भारतबाट अवैध रुपमा भित्राइएको भन्दै बरामद गरिएको ९ सय किलो चिनी जिल्ला प्रहरी कार्यालय कैलालीबाट गायब भएको छ । बरामद गरेको ९ सय किलो चिनी जिल्ला प्रहरी कार्यालयबाटै हराएको विषयमा प्रदेश प्रहरी कार्यालयका प्रमुख प्रहरी नायब महानिरीक्षक मोहनकुमार आचार्यले बरामद गरिएको चिनीको सम्बन्धमा कैलालीका एसपी सोमेन्द्रसिंह राठौरलाई मौखिक स्पष्टीकरण सोधेका छन् ।

आचार्यले एसपी राठौरलाई जवाफसहित प्रदेश प्रहरी कार्यालयमा उपस्थित हुन निर्देशन दिएका छन् । डीआईजी आचार्यले एसपी राठौरलाई मंगलबार बेलुकी ५ बजेसम्ममा प्रदेश प्रहरी कार्यालयमा आइपुग्न भनेका छन् । उनले मंगलबार जिल्ला प्रहरी कार्यालयमा प्रहरी अधिकृत समेत पठाएका थिए । डीआईजी आचार्यले एसपी राठौरलाई आफूले बोलाएको पुष्टि गर्दै भने, ‘त्यो घटनामा के भएको हो भनेर बुझ्न मैले उहाँलाई बोलाएको छु । साथै त्यो विषयमा बुझ्न मेरो कार्यालयबाट प्रहरी कर्मचारी पनि