भाद्र ४, २०८३ / 2026-08-20
काठमाडौं, १४ भदौ । नेपाली क्रिकेट टिमले आज केन्याविरुद्ध पाँचौं तथा अन्तिम ट्वान्टी–२० अन्तर्राष्ट्रिय क्रिकेटमा प्रतिस्पर्धा गर्दै छ ।
पाँच खेलको ट्वान्टी–२० अन्तर्राष्ट्रिय शृंखला २–२ को बराबरी भएको छ । नेपाल सोमबार केन्यासँग ७ रनले पराजित भएको थियो । त्यससँगै शृंखला २–२ को बराबरी भएको हो ।
नेपालले केन्यालाई कमजोर टिमका रुपमा लिँदै केन्या भ्रमणमा सबै खेल जित्ने लक्ष्य राखेको थियो । तर, कमजोर ब्याटिङ प्रदर्शनले निरन्तरता पाउँदा नेपालले ट्वान्टी–२० अन्तर्राष्ट्रिय क्रिकेटमा दुई खेलमा पराजित भइसकेको छ । यससँगै वरीयातामा सुधार गर्दै २०२४ को ट्वान्टी–२० विश्वकप यात्रा सहज बनाउने नेपालको लक्ष्यमा ठूलो धक्का लागेको छ ।
साथै नव नियुक्त प्रशिक्षक मनोज प्रभाकरको पहिलो अन्तर्राष्ट्रिय भ्रमण पनि निराशजनक बनेको छ ।
पहिलो खेलमा नेपालले केन्यालाई ५ विकेटले हराएको थियो । दोस्रो खेल १८ रनले हारेको नेपालले दोस्रो खेल ४ विकेटले जितेको थियो ।
