जेठ २९, २०८३ / 2026-06-12
नेपाली कांग्रेस केन्द्रीय कार्यसमिति बैठक सानेपामा सुरु भयो।
प्रतिनिधिसभा बैठकमा पार्टीको हारपछि सभापति गगन थापाले राजीनामा दिएका छन्, उनी बैठकमा उपस्थित छैनन्।
बैठकमा उपसभापति विश्वप्रकाश शर्माले अध्यक्षता गरिरहेका छन् र निर्वाचनको समीक्षा हुनेछ।
काठमाडौँ । नेपाली कांग्रेस केन्द्रीय कार्यसमिति बैठक पार्टी केन्द्रीय कार्यालय सानेपामा सुरु भएको छ । बैठकमा गत फागुन २१ गते भएको प्रतिनिधिसभा बैठकमा पार्टीले अप्रत्याशित हार व्यहोरेको भन्दै सभापति पदबाट राजीनामा दिएका सभापति गगन थापा उपस्थित छैनन् ।
बैठकको अध्यक्षता उपसभापति विश्वप्रकाश शर्माले गरिरहेका छन् । तर, बैठकमा सभापति थापाको कुर्सी खाली राखिएको छ । पार्टी केन्द्रीय कार्यालयका कार्यवाहक मुख्यसचिव कृष्णप्रसाद दुलालले सभापति थापा बैठकमा नआउने जानकारी दिए ।
सहमहामन्त्री उदय शमशेर राणाका अनुसार बैठकमा प्रतिनिधिसभा निर्वाचनको समीक्षा गरिनेछ भने सभापति थापाले दिएको राजीनामाबारे पनि छलफल हुनेछ ।
