भाद्र २, २०८३ / 2026-08-18
काठमाडौं- नेपालका लागि नवनियुक्त चिनियाँ राजदूत चाङ माओमिङ कार्यभार सम्हाल्न शुक्रबार बिहान काठमाडौंमा ओर्लिएका छन् ।
उनी शुक्रबार बिहान साढे ११ बजे त्रिभुवन अन्तराष्ट्रिय विमानस्थल अवतरण गरेका हुन् । उनी यसअघि चिनियाँ विदेश मन्त्रालयको एसियाली मामिला विभागका उप–महानिर्देशकका रुपमा कार्यरत थिए । चाङलाई गत पुस तेस्रो साता नेपालका लागि चिनियाँ राजदूतमा नियुक्त गरिएको थियो ।
उनले नेपाल आएपछि राष्ट्रपति रामचन्द्र पौडेलसमक्ष ओहोदाको प्रमाणपत्र प्रस्तुत गर्ने कार्यक्रम छ । नेपाली राजनीति कूटनीतिक क्षेत्रमा परिचित उनलाई चीनले त्यहीअनुसार पठाएको हो ।
उनले तीन वर्षे कार्यकाल पूरा गरेर बढुवापछि फर्किएका चेन सोङको स्थान लिँदैछन् । यसअघि उनी नेपाली अधिकारी र नेताहरूसँग भएका विभिन्न भेटघाटमा सहभागी भइसकेका छन्।
