भाद्र ३, २०८३ / 2026-08-19
काठमाडौं– स्वास्थ्य तथा जनसंख्या मन्त्री डा.सुधा शर्मा गौतम र नेपालका लागि लोकतान्त्रिक समाजवादी गणतन्त्र श्रीलङ्काका राजदूत उवान्ती डेल्पिटियाबीच शिष्टाचार भेटवार्ता भएको छ ।
भेटका क्रममा, श्रीलङ्कामा भर्खरै, डिटवाश समुद्री आँधीको प्रभावले आएको विनाशकारी बाढीबाट भएको क्षतिबारे महामहिम राजदूतले जानकारी गराएका थिइन् । साथै, राजदूतले नेपाल सरकारले हालसम्म गरेको सहयोगप्रति धन्यवाद दिँदै थप सहयोगको लागि पनि अनुरोध गरेकी छन् ।
यता स्वास्थ्यमन्त्री गौतमले श्रीलङ्कामा हालसालै सो प्रकोपबाट हुन गएको धनजनको क्षतिप्रति श्रीलङ्का सरकार तथा जनताप्रति गहिरो दुःख र समवेदना व्यक्त गर्दै विपद्को यस अवस्थामा थप सहयोगका लागि पहल गर्ने प्रतिबद्धता व्यक्त गरेकी छन् ।
