श्रावण ३१, २०८३ / 2026-08-16
धनगढी । सुदूरपश्चिमका विभिन्न कारागारबाट भागेका कैदीबन्दीहरु मध्ये सोमबारसम्म ६०८ जना फर्किएका छन् । जेनजी आन्दोलन पछिको प्रदर्शनका क्रममा बाजुरा र अछाम बाहेकका सात जिल्ला कारागारहरूबाट एक हजार ४५८ कैदीबन्दी फरार भएका थिए ।
सुदूरपश्चिम प्रदेश प्रहरी कार्यालयका वरिष्ठ प्रहरी उपरीक्षक प्रकाश रानाभाटका अनुसार फर्किएकामध्ये कतिपय आफैँ र कतिपयलाई नियन्त्रणमा लिएर फर्काइएको हो । भागेकामध्ये ८५० जना अझै फरार छन् ।
सम्बन्धित जिल्ला कारागार कार्यालयहरूले सार्वजनिक सूचना जारी गर्दै कैदीबन्दीलाई सम्पर्कमा आउन आग्रह गरेका छन् । साथै फरारहरूको खोजीका लागि प्रहरी टोलीसमेत परिचालन गरिएको छ प्रहरीले जनाएको छ ।
