काठमाडौं– सत्तारूढ दल नेकपा एमालेकी केन्द्रीय सदस्य उषाकिरण तिम्सेनाले नेपाली समाजले राजनीतिक दलका नेताहरूका कुरा पत्याउन छाडेको टिप्पणी गरेकी छिन् ।
बिहीबार सामाजिक सञ्जाल एक्समार्फत उनले नेताका कुरा लिएर जाँदा समाजले पार्टीका कार्यकर्तालाई पत्याउन छाडेको उल्लेख गरेकी हुन् ।
तिम्सेनाले दलका नेताहरूले पनि समाजका कुरामा विश्वास गर्न छाडेको लेखेकी छिन् ।
‘नेताका कुरा लिएर समाजमा जाउँ, समाजले पत्याउन्नन् । समाज र जनहरूका कुरा लिएर जाउँ नेताहरूले पत्याउन्नन्,’ तिम्सेनाले लेखेकी छिन्, ‘कस्तो अप्ठ्यारोमा परियो हो ।’
