भाद्र ८, २०८३ / 2026-08-24
काठमाडौं– प्रभु बैंक लिमिटेडले गत आर्थिक वर्ष २०८१/८२ को वित्तीय विवरण सार्वजनिक गरेको छ । बैंकले सार्वजनिक गरेको अपरिष्कृत वित्तीय विवरण अनुसार गत वर्ष बैंकले खुद नाफा ५ अर्ब ४४ करोड २६ लाख ९३ हजार रुपैयाँ कमाएको छ ।
उक्त नाफा अघिल्लो वर्षको तुलनामा ९६५.४१ प्रतिशतले बढी हो । गत वर्ष बैंकको खुद नाफा ५१ करोड ८ लाख ५६ हजार रुपैयाँ मात्र थियो ।
बैंकले ब्याज आम्दानी भने ३९.४७ प्रतिशतले घटेको छ । यस्तो आम्दानी गत आवमा बैंकले ७ अर्ब १९ करोड ७८ लाख रुपैयाँ गरेको छ ।
बैंकको खराब कर्जामा भने सामान्य बढेको छ । गत वर्ष बैंकको खराब कर्जा ४.९६ प्रतिशत रहेको छ ।
बैंकको प्रतिशेयर आम्दानी २३.१२ रुपैयाँ हुँदा मूल्य आम्दानी अनुपात ९.६ गुणा छ । असार मसान्तसम्ममा बैंकको प्रतिशेयर नेटवर्थ १६२ रुपैयाँ कायम भएको छ ।
गत वर्ष बैंकको वितरणयोग्य मुनाफा १ अर्ब ४ करोड ५१ लाख रुपैयाँ छ ।
चुक्ता पुँजी २३ अर्ब ५४ करोड २९ लाख ९० हजार रुपैयाँ रहेको छ भने जगेडा कोषमा १४ अर्ब ५९ करोड ६३ लाख रुपैयाँ हरेको छ ।
