श्रावण ३१, २०८३ / 2026-08-16
काठमाडौं – चलचित्र विकास बोर्डले २५ औं वार्षिक उत्सवमा सबैभन्दा बढी व्यापार गर्ने फिल्मको सूची सार्वजनिक गरेको छ ।यो सूचीमा अहिलेका चल्तीका स्टार अनमोल केसीका कुनै पनि फिल्म पर्न सकेनन् ।
सार्वधिक कमाउने फिल्मको सूचीको अन्तिममा ‘पशुपतिप्रसाद : भष्मे डन २’ छ । यसले ७ करोड ३२ लाखभन्दा केही बढी व्यापार गरेको छ ।
अर्थात्, एकै फिल्ममा ५० लाख पारिश्रमिक लिने अनमोलका फिल्मले उक्त रकमभन्दा कम व्यापार गरेको विकास बोर्डको आँकडाबाट बुझ्न सकिन्छ । उता अनमोलका प्रतिस्पर्धीसमेत रहेका नायक प्रदीप खड्काका दुई फिल्म सबैभन्दा बढी व्यापार गर्ने सूचीमा छन् ।
उनको फिल्म ‘प्रेम गीत ३’ र ‘पुजार सार्की’ यो सूचीमा अटाएका छन् । ‘प्रेम गीत ३’ले ७ करोड ६३ लाख र ‘पुजार सार्की’ ७ करोड ३८ लाख ग्रस कलेक्सन गरेको छ ।
प्रदीप र अनमोल दुवै नेपाली सिनेमा क्षेत्रका स्टार नायक हुन् । उनीहरू दुवै महँगो पारिश्रमिक बुझ्ने कलाकारमा गनिन्छन् । त्यही कारण यी दुवैलाई एक अर्काको प्रतिस्पर्धी मान्ने गरिन्छ ।
