भाद्र १, २०८३ / 2026-08-17
मकवानपुरगढी । मकवानपुरलगायत आसपासमा जिल्लाका जङ्गलमा लागेको डढेलोले वातावरण प्रदुषण हुँदा आँखाका बिरामीको सङ्ख्या बढिरहेका छन् ।
मकवानपुरमा चैत महिनादेखि लागेको डढेलोका कारण वातावरण दुषित हुँदा दिनहुँ जसाे नाक, आँखा, घाँटी र छालाका बिरामीहरू बढ्दै गएका छन् । वायु प्रदुषण बढेसँगै तुवालो लागेर मौसम प्रतिकुल देखिएको छ भने श्वासप्रश्वासमा समेत समस्या आएकोे छ ।
जसकारण हेटौँडाको नीजि तथा सामुदायिक अस्पतालमा बिरामीहरूको चाप बढेको चिकित्सहरूको भनाइ छ । मकवानपुरको सामुदायिक आँखा अस्पतालमा अन्य दिनहरूमा भन्दा ३० प्रतिशत आँखाका बिरामीहरू थपिएको अस्पतालका डाक्टर सुधीर श्रेष्ठले जनाकारी दिनुभयो ।
अहिले दैनिकीजसो चार सयको हाराहारीमा बिरामीहरू उपचारका लागि आउने गरेका छन् । जाँच गर्न आउने बिरामीहरूले दैनिक ५० वटा चस्मा खरिद गरेर लाने गरेको अस्पताल प्रशासनले जानकारी दिएको छ ।
