श्रावण ३१, २०८३ / 2026-08-16
काठमाडौं । प्रधानन्यायाधीश चोलेन्द्र शमशेर जबरासँग वार्ता गर्न आन्दोलनरत सर्वोच्च अदालतका न्यायाधीशहरूले तीन सदस्यीय टोली गठन गरेका छन् ।
न्यायाधीशहरू सपना प्रधान मल्ल, अनिलकुमार सिन्हा र मनोज शर्मा रहेको वार्ता समिति गठन गरिएको हो । सर्वोच्चका न्यायाधीशहरूबीचको छलफलपछि गठित वार्ता टोली प्रधानन्यायाधीशसँगको वार्ताका लागि उनको च्याम्बरमा पुगेको छ ।'वार्ताका लागि जाँदैछौं । वार्तापछि हामी फेरि सामूहिक छलफल गर्छौं', समितिमा रहेका एक न्यायाधीशले भने ।
अघिल्लो आइतबारदेखि न्यायाधीशहरूले इजलास बहिष्कार गरेर प्रधानन्यायाधीश राणामाथि राजीनामाको दबाब बढाएका छन् ।
