‘बिरामीले अप्रेशन गर्नुभन्दा पहिले एनेस्थेसिया डाक्टरलाई भेट्नु जरुरी छ’

कुनै पनि सर्जरी गर्नु अगाडि विरामीलाई अप्रेशन अवधिभर बेहोस बनाउने अवस्था हो एनेस्थेसिया । एनेस्थेसिया आफैमा एउटा ठूलो दायरा भित्रपर्छ, जुन तिन किसिमको एनेस्थेसियामा पर्दछ । पहिलो पूरै शरीर बेहोस बनाएर गरिने जेनरल एनेस्थेसिया, दोस्रो कुनै पनि स्पेसीफिक अङ्ग लठ्याउने र अन्तिममा कुनै एउटा सिमित ठाउँमा मात्र लठ्याउने लोकल एनेस्थेसिया ।

अप्रेशन गर्नुभन्दा अगाडि बिरामीले एनेस्थेसिया डाक्टरलाई भेट्नु जरुरी छ । कुनै पनि अप्रेशन गर्नु अगाडि ‘प्रिएनेस्थेसिया चेक अप’ गर्नु एकदमै महत्वपूर्ण हुन्छ । अप्रेशन गर्नु अगाडि सामान्य रगत जाँच, पिसाव जाँच गर्नु आवश्यक हुन्छ नै, त्यस बाहेक यदि कुनै विरामीको चिनीको अर्थात सुगर, प्रेसर थाइराइड आदिको समस्या छ भने पहिले एनेस्थेसिया डाक्टरलाई देखाई सबै कुरा ध्यानमा राखी अप्रेशन गर्दा अझै प्रभावकारी हुनेछ । साथै कुनै व्यक्तिको चुरोट, रक्सी या अरु कुनै मादक पदार्थ सेवन गर्ने गरिएको छ भने त्यही अनुसार एनेस्थेसिया औषधीको डोज मिलाउनु जरुरीहुन्छ ।