आश्विन २२, २०८३ / 2026-10-08
न्यूयोर्क – अमेरिकाको राष्ट्रपतीय निर्वाचनका दुवै उम्मेदवार चुनावी अभियानमा सक्रिय छन्। ५ नोभेम्बरमा हुने चुनावका लागि डोनाल्ड ट्रम्पले न्यूयोर्कको युनियन डालेमा आफ्नो कार्यक्रम आयोजना गरे। यसैगरी उनका विपक्षी उम्मेदवार कमला ह्यारिसले ल्याटिनो मतदातालाई सम्बोधन गर्दै कार्यक्रम गरेकी छन्।
उनले ट्रम्पले ल्याउने आप्रवासी नीतिले आप्रवासीलाई समस्यामा पार्ने कुरामा जोड दिएकी छिन्। साथै प्रजनन अधिकारको प्रसङ्ग उठाएकी छिन्।
दुई मुख्य ब्याटल ग्राउन्ड पेनसेल्भेनिया र मिचिगनको सर्वेक्षणले ह्यारिसलाई बलियो देखाएको छ। यो सर्वेक्षणले उनको ह्वाइट हाउस यात्राको सम्भावना अत्यन्त प्रबल भएको छ। विन्सकन्सिनमा भने कसैको प्रस्ट अग्रता छैन।
अमेरिकाको टिमस्टर्स युनियनका धेरै जना ट्रम्पका समर्थक भएको पाइएको छ। अन्य युनियनमा भने ह्यारिसको उपस्थिति बलियो छ।
पछ्ल्लिो समय कामदार वर्ग प्रस्ट रूपमा कमला ह्यारिसको पक्षमा छन्। अटो वर्कस युनियनका स्वान फेनले ट्रम्प मजदुर विरोधी भएको आशय व्यक्त गरेका छन्।
