भाद्र २, २०८३ / 2026-08-18
काठमाडौँ– नेपाली कांग्रेसको महासमिति बैठकमा आज बन्दसत्र सुरु हुँदैछ । ललितपुरको गोदावरीमा हिजो उद्घाटन भएको महासमिति बैठकको बन्दसत्र आज बिहान ९ बजे सुरु हुन लागेको हो ।
बन्दसत्रमा उपसभापति पूर्णबहादुर खड्काले नीति, महामन्त्री गगन थापाले सांगठनिक, अर्का महामन्त्री विश्वप्रकाश शर्माले समसायिक प्रतिवेदन पेस गर्ने छन् । यस्तै पार्टी प्रवक्ता डा. प्रकाशशरण महतले अर्थतन्त्रको वर्तमान अवस्था र चुनौतीबारेको प्रतिवेदन पेस हुनेछ ।
महामन्त्री थापाको सांगठनिक प्रतिवेदनको एक विषयलाई लिएर सभापति देउवा असहमत रहँदै आएकोमा गएराति अबेरसम्मको छलफलपछि सहमति जुटेको छ ।
